Հաղորդվում է , որ Օսամա Բեն Լադենին մատնել է նրա կանանցից մեկը, որը բացահայտել է, թե Պակիստանում կոնկրետ որտեղ է թաքնվում ամուսինը: Կինը խանդել է «Ալ-Քաիդայի» առաջնորդին և պատժել նրան իրեն դավաճանելու համար:
Daily Mail-ի փոխանցմամբ` պակիստանցի պաշտոնատար անձն ասել է, որ Խաիրիահ Սաբերը, որը առաջնորդի կանանցից ամենամեծն էր, բարկացել է ծերացող առաջնորդի վրա, քանի որ նա գիշերն անցկացրել է Ամալ Ահմեդ Աբդել-Ֆաթահ Ալ-Սադայի հետ այն ժամանակ, երբ ինքը քնած է եղել ներքևի հարկում գտնվող սենյակում:
Անցյալ տարվա մայիսին ԱՄՆ-ի կողմից Բեն Լադենին սպանելու օպերացիան հետաքննող Շուքաթ Քադիրն ասել է, որ ամենայն հավանականությամբ Սաբերն աշխատել է հենց «Ալ-Քաիդայի» հետ: Նա կարծում է, որ Աբոթաբադում ապրող «կարևոր մեկն է» ԱՄՆ հետախուզությանը հայտնել Բեն Լադենի թաքնվելու վայրի մասին:
Պակիստանը հայտնում է, որ տեղյակ չի եղել ԱՄՆ-ի օպերացիայից, սակայն Քադիրը պնդում է, որ Պակիստանի հետախուզական ծառայությունները որոշ բաներ իմացել էին գործողությունների մասին:
