Քոնեքտիկուտ նահանգի կենտրոնական համալսարանը հրապարակել է իր ամենամյա «ԱՄՆ ամենաընթերցասեր քաղաքներ» հետազոտության արդյունքները, որի արդյունքում առաջին հորիզոնականը բաժին է հասել ԱՄՆ մայրաքաղաք Վաշինգտոնին: Վաշինգտոնին հաջորդում են Սիեթլը և Միննեապոլիսը, որոնք սկսած 2005թ. միմյանց միջև բաժանում են առաջին հորիզոնականը: ԱՄՆ խոշորագույն մեգապոլիսները, ինչպիսիք են Նյու Յորքը, Չիկագոն և Մայամին հայտնվել են վարկանիշային աղյուսակի երրորդ տասնյակում:
Lenta.ru-ի հաղորդմամբ, Քոնեքտիկուտի համալսարանի ռեկտոր, հետազոտության հեղինակ Ջեկ Միլլերը նշել է, որ ամերիկյան հասարակության մեջ վերջին շրջանում վտանգավոր միտում է գրանցվում. կրճատվում են ընթերցասեր քաղաքացիների քանակը: Օրինակ` եթե նախկինում կիրակնօրյա թերթեր կարդում էին ամերիկացիների 75 տոկոսը, այժմ` հազիվ դրա կեսը: Նվազել է նաև թերթերի և գրքերի տպաքանակը:
Նշենք, որ Քոնեքտիկուտի համալսարանը ԱՄՆ ամենաընթերցասեր քաղաքաների վարկանիշային հետազոտությունն իրականացնում է 2005թ.: Հետազոտության հիմնական չափանիշներն են` քաղաքային գրադարանների թիվը, պարբերական հրատարակությունների տպաքանակը, գրախանութների քանակը, կրթական հաստատությունների և ինտերնետային ռեսուրսների հասանելիությունը քաղաքի մեկ շնչի համար: Հետազոտությունը իրականացվում է միայն 250 հազարից ոչ պակաս բնակչություն ունեցող քաղաքներում:
Հիշեցնենք, որ այս 2009թ. հետազոտությունների արդյունքում Վաշինգտոնը ԱՄՆ երկրորդ ամենաընթերցասեր քաղաքան էր, իսկ առաջին հորիզոնականում Սիեթլն էր: