Ինչպես փոխանցում է վրացական Prime Time ամսագիրը, թագավորական ընտանիքի անդամներ Դավիդ և Աննա Բագրատիոնին վերամիավորվել են սկանդալային ապահարզանից հետո: Բաժանման պատճառ էր հանդիսացել դերասանուհի Շորենա Բեգաշվիլու հարցազրույցը, որն ասել էր, որ Դավիդ Բագրատիոնիի հետ «ընկերական» հարաբերությունների մեջ է: Որպես ապացույց նա ներկայացրել էր մի քանի լուսանկար, որտեղ միասին ներկա են եղել Ժնևում կայացած մի ընդունելության:
Թագավորական ընտանիքի երկու ճյուղերից Դավիդ Բագրատիոնի-Մուխրանելին և Վրաստանից Իսպանիա տեղափոխված Աննա Բագրատիոնին ամուսնացել էին 2009թ. փետրվարին Սուրբ Երրորդություն եկեղեցում` Դավիթ Շինարարի տոնի օրը: Հարսանիքը կատարվել է Թբիլիսիի «Շերատոն Մետեխի» հյուրանոցում, որին ներկա է եղել 3000 հյուր:
Հիշեցնենք միայն, որ մի քանի տարի առաջ Վրաստանում թագավորության վերականգնման մասին հայտարարել էր Համայն վրաց պատրիարք Իլյա Երկրորդը:
