Հայաստանի թեթևատլետները կմասնակցեն մարտին Փարիզում կայանալիք ատլետիկայի Եվրոպայի ձմեռային առաջնությանը: ԱՐՄԵՆՊՐԵՍ-ին տված հարցազրույցում այս մասին հաղորդել է ՀՀ ատլետիկայի ֆեդերացիայի նախագահ, անվանի հեռացատկորդ Ռոբերտ Էմմիյանը: «Հայաստանի թիմի վերջնական կազմը կորոշվի փոքր-ինչ ուշ: Հնարավոր է` Փարիզ մեկնեն ավելի շատ մարզիկներ»,- ասել է նա: Ռ.Էմմիյանի խոսքերով` Ֆրանսիայում հայ մարզիկների համար կստեղծվեն լավագույն պայմանները:
ՀՀ ատլետիկայի ֆեդերացիան, ըստ նրա, սերտ կապեր ունի Ֆրանսիայի ատլետիկայի ֆեդերացիայի հետ: Հիշեցնենք,որ վերջինիս նախագահ Բեռնար Աբսալեմը և գործադիր տնօրեն Ժան Գրասիան 2010 թվականի սեպտեմբերին այցելել են Հայաստան։ Այցի ընթացքում պայմանագիր են կնքել ՀՀ ատլետիկայի ֆեդերացիայի հետ: