Երեկ Հնդկաստանի Մումբայ քաղաքում տեղի ունեցած հինդուիստական Հոլի տոնակատարությունից հետո 160 մարդ տեղափոխվել է հիվանդանոց:
Ինչպես հաղորդում է BBC-ն, տոնակատարության ժամանակ մարդիկ ավանդաբար օդ են նետում գունավոր փոշի: Ամենայն հավանականությամբ, հենց դա էլ թունավորման պատճառ է դարձել:
Բժիշկները կարծում են, որ մարդկանց մոտ ալերգիկ ռեակցիա է տեղի ունեցել՝ փոշու մեջ պարունակվող քիմիական բաղադրիչների պատճառով:
Հնդկաստանում ժամանակ առ ժամանակ մտավախություններ են հնչում, որ արհեստական ներկերը, որոնք ավելի էժան են, կարող են թունավոր նյութեր պարունակել: