ՄԱԿ-ի կին ղեկավարներն այսօր` Կանանց իրավունքների պաշտպանության օրը, պահանջել են հավասարություն սեռերի միջև։ Միևնույն ժամանակ ողջ աշխարհում նույն նպատակով ցույցեր ու երթեր էին ընթանում:
AFP-ն հայտնում է, որ ՄԱԿ-ի կանայք պահանջել են հավասարություն, հատկապես՝ գյուղական շրջաններում, որտեղ տղամարդկանց և կանանց միջև անհավասարությունն ամենավառն է արտահայտված:
Գենդերային հավասարության և կանանց հզորացման միավորման անդամները հայտնել են, որ աշխարհի ամեն չորրորդ բնակիչը կին է կամ աղջիկ, ով ապրում է գյուղական շրջաններում և վաստակում է շատ քիչ կամ աշխատում է առանց աշխատավարձի: Եվ այս ամենի հետ մեկտեղ՝ նրանք ստիպված են նաև պայքարել անհավասարությունների դեմ, որպեսզի կարողանան օգտվել սոցիալական ծառայություններից:
