Եգիպտոսի կանանց կազմակերպությունների միությունը երկրի խորհրդարանից պահանջել է, որ կանայք Սահմանադրական հանձհնաժողովում տղամարդկանց հետ հավասար ներկայացվածություն ունենան: Այս մասին տեղեկացնում են եգիպտական ԶԼՄ-ները` հղում անելով միության հայտարարությանը։
Եգիպտոսի Սահմանադրական հանձնաժողովը, որը բաղկացած է լինելու 100 անդամից, կազմավորվելու է մարտի 24-ին՝ խորհրդարանի վերին և ստորին պալատների համատեղ նիստի ընթացքում:
«Եգիպտացի կանայք պահանջում են, որ իրենք տղամարդկանց հետ ունենան հավասար իրավունքներ և 50 % ներկայացվածություն Սահմանադրական հանձնաժողովում»,- ասվում է միության հայտարարության մեջ` ուղղված Ազգային խորհրդին (խորհրդարանի ստորին պալատ), որը տոնում է կանանց միջազգային օրը` մարտի 8-ը:
Եգիպտուհիները նաև դիմել են խորհրդարանին` խնդրելով շուտափույթ դիտարկել «ընտանիքի բոլոր անդամների հավասար իրավունքներ ունենալու», երեխաների և մայրերի պաշտպանության մասին օրենքները, քրեական պատիժ սահմանել ընտանիքում բռնություններ իրականացնելու համար:
Ազգային խորհրդին դիմել են կանանց ավելի քան 70 կազմակերպությունների միության անդամները:
