Դանիայի կառավարությունը պատրաստվում է փոփոխություններ մտցնել գենդերային հավասարության օրենքում այն բանից հետո, երբ պարզ է դարձել, որ պետական ընկերություններում կանայք թվով զիջում են տղամարդկանց:
Ինչպես հաղորդում է ITAR-TASS-ը, սեռերի հավասարության դանիական օրենքի համաձայն՝ պետական հաստատությունները «պետք է անեն հնարավոր ամեն բան ղեկավար մարմիններում կանանց և տղամարդկանց թիվը հավասարակշռելու համար»: Ըստ վիճակագրական տվյալների՝ կանայք պետական ընկերությունների ղեկավար խորհուրդներում կազմում են ընդամենը 22.6%, իսկ մասնավոր ընկերություններում՝ 19.2%:
Երկրի գենդերային հավասարության նախարար Մանու Սարեենը պատրաստվում է զբաղվել կանանց և տղամարդկանց թվի հավասարակշռությամբ ինչպես պետական, այնպես էլ մասնավոր ընկերություններում: Նա առաջարկել է փոխել օրենքի ձևակերպումն այնպես, որպեսզի կանանց և տղամարդկանց քանակի հավասարությունը երկրի բոլոր ընկերություններում պարտադիր լինի:
