Չինաստանի զարգացման բանկը (CDB) մտադիր է BRICS-ի երկրներին (Բրազիլիա, Ռուսաստան, Հնդկաստան, ՀԱՀ) վարկեր տրամադրել յուանով: Համապատասխան փոխհամաձայնության հուշագիրը նախատեսվում է ստորագրել 2012 թ. մարտի 29-ին:
Այս մասին հայտնում է The Financial Times-ը` հղում անելով բանակցությանը մոտ կանգնած աղբյուրներից մեկին:
Ըստ պայմանանավորվածության` CDB-ն պետք է վարկավորի գործընկեր երկրների բանկերը յուանով, վերջիններս էլ իրենց հերթին պետք է սկսեն վարկերի հանձնումը ազգային արժույթով: Այս մասին գրում է FT-ն՝ հղում անելով Morgan Stanley-ի հաշվարկներին առ այն, որ ներկայումս ՉԺՀ-ի առևտրային գործառնություններում յուանի մասնաբաժինը Ասիայում կազմում է 13 տոկոս:
HSBC-ի կանխատեսմամբ` 2015 թ. այս ցուցանիշը կհասնի մինչև 50 տոկոսի:
Չինաստանի բանկերն ու կարգավորողները, որոնց բալանսում են գտնվում շուրջ 3 տրիլիոն դոլարի ակտիվներ, զգուշանում են ամերիկյան դոլարի թուլությունից:
Հաշվի առնելով եվրոգոտու վարկային ճգնաժամը՝ Չինաստանը զգալի ներդրումներ է կատարում իր արժութային պահուստները դիվերսիֆիկացնելու և յուանի ազդեցության աճի համար: