ComScore հետազոտական կենտրոնը հրապարակել է վերջին ուսումնասիրությունների արդյունքները: Ուսումնասիրության նպատակն էր պարզել, թե ինչպիսի միտումներ կան ԱՄՆ-ի բջջային հեռախոսների շուկայում 2012 թվականի առաջին ամիսների ընթացքում:
Digital Trends-ը հաղորդում է, որ ամենահետաքրքիր բացահայտումներից մեկն այն էր, որ այժմ ԱՄՆ-ում ավելի քան 100 միլիոն մարդ օգտվում է սմարթֆոններից: Հստակ տվյալներով՝ այդ մարդկանց թիվը 101.3 միլիոն է՝ 13 տոկոսով ավելի անցած տարվա հոկտեմբերի համեմատ:
Հաղորդվում է, որ ամենայն հավանականությամբ այսպիսի տվյալների պատճառը Apple-ի հայտնի iPhone 4S հեռախոսի թողարկումն է. այն թողարկվել է հոկտեմբերին:
