Ֆրանսիայի նախագահ Նիկոլա Սարկոզին, ով սկսել է իր նախընտրական քարոզարշավը, հայտարարել է, որ ինքը կաջակցի Միացյալ ազգերի կազմակերպության Անվտանգության խորհրդում հավանության արժանացած ծրագիրը, որով թույլ կտրվի զինված միջամտություն իրականացնել Սիրիայում: Այս մասին նա ասել է France 2 հեռուստաալիքին տված հարցազրույցի ժամանակ:
«Եթե լիներ ՄԱԿ-ի համաձայնությունը, ես կաջակցեի Սիրիայում իրականացվելիք օպերացիան»,- ասել է Ֆրանսիայի գործող նախագահը: Նա նշել է, որ «ֆրանսիական բանակը չի կարող միջամտել այլ պետությունների գործերին, եթե իր երկրի քաղաքացիները վտանգված չեն, և եթե չկա միջազգային մանդատ»: «Մենք այն երկիրը չենք, որը հենց այնպես ադ քայլին կդիմի»,- ասել է Սարկոզին:
Նա ասել է, որ դրա համար անհրաժեշտ է ազատվել Ռուսաստանի և Չինաստանի վետոյից: «Ես հույս ունեմ, որ Պուտինի ընտրությունները կստիպեն նրան վերանայել Սիրիայի հարցով դիրքորոշումը»,- հավելել է Սարկոզին:
