Չորքոտանի Cheetah («Հովազ») ռոբոտը, որը մշակվել է Boston Dynamics ընկերությունում, արագության ռեկորդ է սահմանել: Cheetah-ը կարողացել է շարժվել ժամում 28.9 կիլոմետր արագությամբ:
Քայլող ռոբոտների շրջանում արագության նախկին ռեկորդը սահմանվել էր 1989 թ.՝ ժամում 21 կիլոմետր:
Cheetah-ի մեխանիզմի հիմքում ընկած է արագաշարժ կենդանիների շարժման սկզբունքը: Հովազի նման ռոբոտն արագություն է բացում մեջքի ճկման և երկարացման միջոցով:
Boston Dynamics ընկերությունը մտադիր է այս տարվա ընթացքում ռոբոտին փորձարկել բնության մեջ:
Cheetah–ը մշակվում է M3 ռոբոտաշինության ծրագրի շրջանակներում: Ծրագիրը գիտական է և կոնկրետ ռազմական նպատակներ չունի, թեև հետագայում կարող է կիրառվել ռազմական նպատակներով:
