Հնդկաստանի կողմից բամբակի հումքի վրա արգելք դնելուց մեկ օր անց բամբակի գինը բարձրացել է:
Ինչպես հաղորդում է Bloomberg գործակալությունը, ամերիկյան բորսայում ժամը 13:45-ի դրությամբ (երևանյան ժամանակով) բամբակի գինը բարձրացել է 1.46 %-ով՝ հասնելով 97.58 դոլարի:
Վերլուծաբաններն այնուամենայնիվ կարծում են, որ բամբակի գների ռեկորդային աճ չի գրանցվի, ինչպես եղավ 2010-2011 թթ. Հնդկաստանի կողմից դրված արտահանման արգելքից հետո: Դա նրանք բացատրում են այն հանգամանքով, որ աշխարհում բամբակի պաշարներն ավելանում են, իսկ սպառողները գնալով ավելի հաճախակ ընտրում են սինթետիկ կտորներ:
2010 թ. խոշոր հումքային ընկերությունները խիստ տուժեցին հնդկական բամբակի արտահանման արգելքի պատճառով: Օրինակ՝ շվեյցարական Glencore ընկերությունը կորցրեց 330 մլն դոլար:
