Այսօր մեկնարկվեց երիտասարդ գիտնականների 12-րդ գիտաժողովը, որը անցկացվում է Երեւանում հոկտեմբերի 25-27-ը: Սակայն հենց առաջին օրը տեղի են ունեցել ծրագրային փոփոխություններ, քանի որ Վրաստանից ժամանած հյուրերը չեն եկել: Վրաստանից Նինո Պոպիաշվիլին, ով մի քանի զեկուցումներ ուներ, չի ժամանել: Պատճառը, ըստ գիտաժողովի համակազմակերպիչներից մշակութաբան Համլետ Մելքումյանի, ֆինանսական է: Բանն այն է, որ հրավիրված գիտնականներին Հնագիտության եւ ագգագրության ինստիտությունը միայն այստեղ մնալու ծախսերն է հոգում, այնինչ ճանապարհածախսը գիտնականների վրա է մնում: Ընդհանուր առմամբ տարբեր երկրներից հրավիրված 20 երիտասարդ գիտնականերից 15-ն են եկել:
Ի դեպ, մինչեւ 35 տարեկան գիտնականներն են ներգրավված. «Մեզ պետք էր թափահարել գիտական դաշտը մինչեւ 35 տարեկան եւ տեսնել` ինչ ունենք»,-նշել է Համլետ Մելքումյանը: Ըստ նրա` բնագիտական ոլորտում շատ ավելի շատ ունենք երիտասարդ գիտնականեր, քան հասարակագիտության ոլորտում: Համաժողովին ավելի քան 75 երիտասարդ գիտնական է ներգրավված:
