«Առաջին լրատվականը» տեղեկացրել էր, որ սկսած այս տարվա հունվարի 1-ից թռչունների անկման մասսայական դեպքեր են հայտնաբերվել աշխարհի տարբեր մասերում` ԱՄՆ, Իտալիա, Շվեդիա: Հիմա էլ հերթը հասել է Թուրքիային և Ռումինիային: Ինչպես հաղորդում է Newsru-ն, Թուրքիայի Բուրսա քաղաքում հայտնաբերվել են մի քանի տասնյակ սատկած սարյակներ: Մասնագետները չեն կարողանում պարզել, թե ինչու են թռչունները զանգվածաբար սատկում:
Ռումինիայում, որտեղ նույնպես հայտնաբերվել էին մի քանի տասնյակ սատկած սարյակներ, մասնագետները միանգամից հայտարարել էին, որ անկման պատճառը թունավորումն է: Ըստ անասնաբույժների` սարյակները կերել են մոտակա օղու գործարանի մոտ լցված խաղողի մնացորդներից, ինչն էլ թունավորման պատճառն է համարվում:
Սակայն մյուս դեպքերի չբացահայտված մնալը բնակչության շրջանում տարբեր ասեկոսեների տեղիք է տվել` ընդհուպ մինչև աշխարհի վերջի մասին խոսակցությունները: