Фонтанки.ру–ի լրագրողներին Սանկտ-Պետերբուրգում նախագահական ընտրություններում քվեարկելու համար հաջողվել է ստանալ երկու քվեաթերթիկ:
Նրանցից յուրաքանչյուրը սկզբից եկել է ըստ իր գրանցման վայրի ընտրատեղամաս (համար 748 և 490): Իրենց անունները ցուցակներում գտնելով՝ լրագրողները քվեարկել են և դուրս եկել: Այնուհետև նրանք առանձին-առանձին եկել են համար 1786 ընտրատեղամաս, որտեղ նրանց կրկին տվել են քվեաթերթիկներ` քվեարկության համար:
Իրենց խոսքերն ապացուցելու համար լրագրողները մտադիր են պահանջել վեբ-տեսախցիկների նկարահանած նյութը, որտեղ տեսագրված է քվեաթերթիկը ստանալու գործընթացը:
Հարկ է նշել, որ Ռուսաստանի ընտրություններում խախտումները, ստացված տեղեկությունների համաձայն, այնքան շատ են, որ ռուսական իշխանությունները լավ կանեին ընդհանրապես ընտրություններ չկազմակերպեին, այլ միանգամից նախագահ նշանակեին Պուտինին։ Այս մասին գրում է apsny.ge-ն: