Apple-ը հինգերորդ անգամ անընդմեջ գլխավորում է Fortune ամսագրի կազմած հիացմունք առաջացնող 50 ընկերությունների ցուցակը (World’s Most Admired Companies):
Apple ընկերությունը, որի շուկայական կապիտալիզացիան գերազանցել է 500 մլրդ դոլարը, պահպանում է նաև աշխարհի ամենաթանկ ընկերության դիրքերը:
«Սթիվ Ջոբսի՝ կյանքից հեռանալուց հետո մի շարք հարցեր առաջացան՝ ընկերության ապագայի հետ կապված: Սակայն նոր գլխավոր տնօրեն Թիմ Քուկի ղեկավարությամբ Apple-ը շարունակում է ծաղկել»,- նշում են ամսագրի վերլուծաբանները:
Ընկերությունը, որը անցյալ տարի 108 մլրդ դոլարի հասույթ էր ստացել iPhone-ի և iPad-ի ռեկորդային վաճառքից, Fortune-ի վարկանիշային աղյուսակում առաջինն է նաև համակարգիչներ արտադրողների շարքում:
Հիացմունք առաջացնող ընկերությունների վարկանիշային աղյուսակում երկրորդ տեղը զբաղեցնում է Google-ը, որը նաև առաջատարն է օն-լայն սեկտորի ընկերությունների աղյուսակում:
Ամսագրի վարկանիշային աղյուսակի երրորդ հորիզոնականում հայտնվել է Amazon օն-լայն ռիթեյլերը: Չնայած վերջինիս մաքուր եկամուտը 2011թ. կեսով չափ նվազել է, այն շարունակում է իր արշավը օն-լայն ռիթեյլերների բնագավառում:
Լավագույն հնգյակում հայտնվել են Coca-Cola ընկերությունը և IBM IT հսկան:
Մյուս IT ընկերություններից, որոնք, ամսագրի կարծիքով, հիացմունքի աժանի են, առանձնացվում են Microsoft-ը (17), Samsung Electronics-ը (34), eBay առցանց աճուրդը (41), IT ծառայությունների փրովայդեր Cisco-ն (42), ամերիկյան բջջային օպերատոր AT&T-ն (46), ԾԱ (ծրագրային ապահովում) մշակող Oracle-ը (49):
