Marca-ն տեղեկացնում է, որ կատալոնական «Բարսելոնա»-ի հարձակվող Քրիստիան Տելյոն հայտնվել է «Լիվերպուլ»-ի հետաքրքրությունների ոլորտում: «Մերսիսայդցիներ»-ը պատրաստ են 20-ամյա հարձակվողի տրանսֆերի դիմաց իսպանական ակումբին առաջարկել 10 մլն ֆունտ: Բացի «Լիվերպուլ»-ից Տելյոյին իրենց կազմ են ցանկանում հրավիրել նաև «Մալագա»-ն ու «Բենֆիկա»-ն: Խաղացողի պայմանագրի ժամկետն իր ներկայիս ակումբի հետ լրանում է 2013 թվականի հուլիսին:
Goal.com-ի փոխանցմամբ «Լիվերպուլ»-ը ցանկանում է իր կազմ հրավիրել նաև Դորտմունդի «Բորուսսիա»-ի առաջատար խաղացողներից մեկին` Շինջի Կագավային և գերմանական ակումբին պատրաստ է առաջարկել 22 մլն եվրո:
Նշենք, որ Գերմանիայի ընթացիկ առաջնությունում Կագավան անցկացրել է 21 խաղ և դարձել 7 գոլի հեղինակ: Ճապոնացի կիսապաշտպանի` Բունդեսլիգայի գործող չեմպիոնի հետ կնքած պայմանագիրը գործում է մինչև 2014 թվականը:
