Եգիպտոսում ավարտվել է Ռուսաստանի նախագահական ընտրությունների քվեարկությունը, որը տեղի էր ունենում Կահիրեում, Ալեքսանդրիայում, Հուրգադայում և Շարմ էշ-Շեյխում:
«Ընտրություններն անցել են պետական ռեժիմով, առանց կոնֆլիկտների և անկարգությունների»,- РИА Новости գործակալությանը տեղեկացրել է ընտրական հանձնաժողովի ներկայացուցիչ, Եգիպտոսում ՌԴ դեսպանատան խորհրդական Արտյոմ Պոլյակովը:
Կահիրեի քվեարկությունում մասնակցել է մոտ 350 մարդ: Զբոսաշրջային քաղաքներում մասնակցությունն ավելի շատ է եղել. Հուրգադայում ընտրատարածք է գնացել 600 մարդ, իսկ Շարմ էշ-Շեյխում` 300 ՌԴ քաղաքացի:
«Հուրգադայում մի քանի ընտրողներ քվեատուփի մոտ մեկ ժամ հերթ են կանգնել, սակայն որևէ բողոք կամ դժգոհություն չի եղել»,- հայտնել է Պոլյակովը:
Եգիպտոսում հյուպատոսական հաշվառման է վերցված 3.8 հազար ռուսաստանցի:
