Մոնտանայի դաշնային դատարանի դատավոր Ռիչարդ Սեբուլը դատական քննություն է սկսել ԱՄՆ նախագահ Բարաք Օբամայի հասցեին արված սեփական կատակի դեմ՝ այն համարելով ռասիստական,- գրում է The Billings Gazette թերթը: Նախագահի հասցեին վիրավորական արտահայտությամբ նրա էլեկտոնային նամակը պատահաբար հայտնվել է մամուլում, որից հետո դատավորը ստիպված է եղել պաշտոնապես ներողություն խնդրել:
Դատավորի դեմ ևս մեկ բողոք է ներկայացրել ոչ կուսակացական Common Cause կազմակերպությունը՝ նրան մեղադրելով դատական էթիկան խախտելու մեջ, իսկ Մոնտանայի իրավապաշտպանների խումբը սկսել է ստորագրությումն հավաքել՝ հօգուտ նրա հրաժարականի:
«Մոր հիշողությունները» թեմայով նամակն ուղարկվել է փետրվարի 20-ին Սեբուլի աշխատանքային էլեկտրոնային հասցեից նրա 6 ընկերներին և ծանոթ դատավորներին: Նամակում պատմվում է հետևյալ անեկդոտը. «Փոքր երեխան հարցնում է մորը. «Մամ, ինչու եմ ես սև, իսկ դու՝ սպիտակ»: Մայրը պատասխանում է. «Մի մտածիր այդ մասին, Բարաք, դատելով նրանից, թե ես ինչ եմ հիշում այդ օրվա երեկույթից, ուրախ եղիր, որ դու չես հաչում»:
Դատավորի ընկերները նամակն ուղարկել են իրենց ծանոթներին, մինչև որ, ի վերջո, այն հայտնվել է The Great Falls Tribune թերթի էջերում: Փետրվարի 29-ին դատավորը պաշտոնապես ընդունել է, որ ինքն է նման նամակ ուղարկել և ներողություն է խնդրել: Նա հայտարարել է, որ գիտակցում է անեկդոտում ռասիստական ակնարկը, բայցը ինքը ռասիստ չէ: Նրա խոսքերով՝ ինքը չի սատարում նախագահ Օբամային, ուստի նրա մասին անեկդոտը քաղաքական է:
Հաջորդ օրը դատավորը նամակով պաշտոնապես ներողություն է խնդրել Օբամայից և նրա ընտանիքըից:
