РИА Новости-ի փոխանցմամբ`Ռուսաստանի վարչապետ Վլադիմիր Պուտինն արևմտյան թերթերի խմբագիրների հետ ունեցած հանդիպման ժամանակ անդրադարձել է Իրանի խնդրին.
«Ռուսաստանը բոլոր ջանքերը գործադրում է Իրանի դեմ պատերազմը կանխելու համար: Մենք ամեն ինչ անելու ենք խուսափելու համար թե՛ բուն Իրանում, թե՛ Իրանի շուրջ զինված հակամարտություն թույլ չտալու համար: Մեզ համար դա կունենա բացասական, ուղիղ հետևանքներ:
Ռազմական գործողությունների հետևանքով իրանցի փախստականները կհոսեն դեպի հարևան երկրներ և առաջին հերթին Ադրբեջան: Ամեն դեպքում Իրանը Կասպիցի գծով մեր հարևանն է, այնտեղ առկա իրավիճակի ամեն ցնցում անպայմանորեն կազդի տարածաշրջանի խաղաղության վրա: Կարծում եմ, որ ոչ ոք շահագրգռված չէ, որ իրավիճակը դուրս գա վերահսկողությունից:
Իրանին պետք է հնարավորություն ընձեռվի զարգացնել խաղաղ ատոմը, սակայն ԱԷՄԳ-ի վերահսկողության ներքո: Ռուսաստանը մշտապես բացասականորեն է ընկալում Թեհրանի ղեկավարության հակաիսրայելական հայտարարությունները, և դա հասկացնել է տալիս Թեհրանին»: