Թուրքական Dünya Bülteni կայքի փոխանցմամբ`ԱՄՆ պետքարտուղար Հիլարի Քլինթոնը, պատասխանելով ամերիկացի կոնգրեսականների հարցին, անդրադարձել է Իրանի խնդրին.
«Ամերիկյան ղեկավարությունը քայլեր է ձեռնարկում իրանական նավթի գնումը զգալիորեն կրճատելու ուղղությամբ: Այդ պլանում մենք սահմանել ենք պատժամիջոցներ, սակայն դեռ կան անելիքներ: Դա մասնավորապես վերաբերում է Թուրքիային, Չինաստանին ու Հնդկաստանին: Տվյալ խնդրի շուրջ մենք ինտենսիվ և բաց բանակցություններ ենք վարում այդ երկրների հետ»:
Հիշեցնենք, որ Թուրքիան հայտարարել է, որ իր համար պարտադիր չեն համարվում Իրանի նկատմամբ ԱՄՆ-ի ու ԵՄ-ի սահմանած պատժամիջոցները, և որ ինքը չի հրաժարվի իրանական նավթ ներկրելուց: Չնայած դրան՝ ներկայումս հայտնի է դարձել, որ Թուրքիան նավթի ներկրման շուրջ սկսել է բանակցել Լիբիայի ու Սաուդյան Արաբիայի հետ:
