«Տոտտենհեմ»-ի հոլանդացի կիսապաշտպան Ռաֆայել Վան դեր Վարտը Անգլիայի Պրեմիեր Լիգայի 26-րդ տուրի «Արսենալ»-ի հետ կայացած հանդիպման ժամանակ, որն ավարտվեց իր թիմի խոշոր՝ 2:5 հաշվով կրած պարտությամբ, ոտնաթաթի վնասվածք է ստացել:
Վնասվածքի պատճառով Վան դեր Վարտը բաց կթողնի Նիդերլանդների և Անգլիայի ազգային հավաքականների միջև այսօր՝ Լոնդոնի «Ուեմբլի» մարզադաշտում կայանալիք ընկերական հանդիպումը:
The Guardian-ի տեղեկացմամբ այդ հանդիպմանը չեն մասնակցի նաև Անգլիայի ազգային հավաքականի հարձակվողներ Ուեյն Ռունին, Դարրեն Բենթը և կիսապաշտպան Թոմ Քլևերլին: Ինֆեկցիայի պատճառով շարքից դուրս մնացած «Մանչեսթեր Յունայթեդ»-ի ֆուտբոլիստ Ուեյն Ռունին արդեն բաց է թողել «Նորվիչ»-ի և Եվրոպայի Լիգայի գավաթի խաղարկության շրջանակներում կայացած «Այաքս»-ի հետ հանդիպումները:
«Մանչեսթեր Յունայթեդ»-ի գլխավոր մարզիչ Ալեքս Ֆերգյուսոնի խոսքերով Ռունին հնարավոր է մասնակցի կիրակի օրը Անգլիայի Պրեմիեր Լիգայի շրջանակներում «Տոտտենհեմ»-ի հետ կայանալիք հանդիպմանը:
Հոլանդիայի հետ հանդիպումը կարող է բաց թողնել նաև Գարրետ Բարրին, ով ծնկան հոդի վնասվածք ունի: Քլևերլին վնասել է ոտնաթաթը և նրա վերականգման համար 3 շաբաթ կպահանջվի:
The Guardian-ի տեղեկացմամբ Անգլիայի հավաքականի վնասվածք ստացած ֆուտբոլիստներին Սթյուարթ Փիրսը կփոխարինի Դեննի Ուելբեկով, Դանիել Սթարիջով և Ֆրեյզեր Քեմփբելով:
