Գերմանիայի Էրֆուրտ քաղաքում շուրջ 15,000 ցուցարար շաբաթ օրը արգելափակել է ծայրահեղ աջ «Այլընտրանք Գերմանիայի համար» (AfD) կուսակցության ամենամյա համագումար տանող ճանապարհները՝ հայտարարելով, որ թույլ չեն տա ֆաշիզմի վերելքը երկրում։ Ոստիկանության հատուկ ջոկատայինների հսկողությամբ ընթացող բողոքի ակցիաներին միացել են արհմիություններ, քաղաքացիական և ձախակողմյան խմբեր, գրում է Reuters-ը։
Համագումարն անցկացվում է արևելյան Սաքսոնիա-Անհալթ և Մեկլենբուրգ-Առաջավոր Պոմերանիա նահանգներում սպասվող ընտրություններից առաջ, որտեղ AfD-ն նպատակ ունի պատմության մեջ առաջին անգամ իշխանության գալ։ Օգտագործելով տնտեսական լճացումից հիասթափությունն ու կոշտ ներգաղթային քաղաքականության պահանջարկը՝ կուսակցության համապետական վարկանիշը հասել է 29%-ի՝ բացահայտորեն առաջ անցնելով կանցլեր Ֆրիդրիխ Մերցի պահպանողականներից։
Թեև հիմնական քաղաքական ուժերը մեղադրում են AfD-ին ռասիզմի ու ժողովրդավարության սպառնալիքի մեջ, նախկին կոմունիստական արևելքում կուսակցության աջակցությունը ռեկորդային է։ Սաքսոնիա-Անհալթում վերջին հարցումներով նրանք ունեն 41% աջակցություն և գնում են դեպի բացարձակ հաղթանակ:
