Գերմանիայի կանցլեր Անգելա Մերկելի վարկանիշը հասել է վերջին երկու տարիների ընթացքում առավելագույն մակարդակի: Այս մասին են վկայում գերմանական պարբերականներից մեկի անցկացրած հարցման արդյունքները,- հաղորդում է Associated Press-ը:
Այսօր հրապարակված սոցհարցման տվյալների համաձայն՝ չնայած Գերմանիայի կոալիցիոն կառավարության մի շարք խնդիրներին՝ Մերկելի դիրքերն առայժմ ամուր են: Այսպես՝ 0-100 բալանոց «վստահության սանդղակում» Մերկելը 2012 թ. փետրվարին հավաքել է 64 միավոր, որը երկու միավորով գերազանցում է անցյալ տարվա դեկտեմբերին գրանցված արդյունքին:
Հետազոտողների խոսքերով՝ հարցման արդյունքները վկայում են, որ գերմանացիներին գոհացնում է, թե ինչպես է Մերկելը լուծում իր առջև կանգնած խնդիրները, որոնք առաջացել են տարածաշրջանի պարտքային ճգնաժամի պատճառով:
Հարցմանը մասնակցել է ավելի քան 1000 մարդ:
