Մարտի 7-ին Ստրասբուրգի կաթոլիկ տաճարում կանցկացվի պատարագ Եվրոպայի համար: Դրան կմասնակցեն դիվանագիտական կորպուսի ներկայացուցիչներ, Եվրոպայի խորհրդի աշխատակիցներ և Մարդու իրավունքի եվրոպական դատարանի դատավորներ:
Ինչպես հաղորդում է RIA Novosti-ն, ծիսական արարողությունը կգլխավորի Ստրասբուրգի արքեպիսկոպոս Պիեռ Գրալեն:
Արարողությունը նվիրված է Հարավ-Արևելյան Եվրոպայի եպիսկոպոսների՝ Ստրասբուրգի եվրոպական ինստիտուտներ այցին: Ալբանիայի, Բոսնիա և Հերցեգովինայի, Բուլղարիայի, Կիպրոսի, Հունաստանի, Մոլդովայի, Ռումինիայի, Մոնտենեգրոյի, Մակեդիոնիայի, Սերբիայի և Թուրքիայի հոգևոր այրերը (այն երկրները, որտեղ կաթոլիկները կրոնական փոքրամասնություն են կազմում) կծանոթանան Եվրոպական խորհրդի, Եվրախորհրդարարնի և Մարդու իրավունքների եվրոպական դատարանի գործունեության հետ:
Եպիսկոպոսները կպատմեն խորհրդարանականներին և դատավորներին իրենց երկրներում կաթոլիկների դրության մասին: Սպասվում է, որ զրույցի ընթացքում կքննարկվեն նաև Եվրոպայի երկրներում կրոնական փոքրամասնությունների իրավունքների հարցը:
