Աշխարհում խոշորագույն Facebook սոցիալական ցանցը հետաքրրքված է բջջային կապի օպերատորների հետ համագործակցությամբ օլնայն վճարումների ոլորտում: Այս մասին հայտնում է Reuters-ը` հղում անելով Facebook-ի տեխնիկական տնօրեն Բրեթ Թեյլորին:
Facebook-ը, որն ընթացիկ ամսվա սկզբում բաժնետոմսերի առաջանային տեղաբաշխման հայտ էր ներկայացրել, դրանում նշել էր, որ սոցցանցից բջջային կապի օգնությամբ օգտվում է շուրջ 425 մլն օգտատեր կամ կայքի օգտատերերի գրեթե կեսը:
Ավելի քան 60 մլն օգտատեր ամեն ամիս սոցցանցի բջջային պլատֆորմից անցում է կատարում այլ նորարարական հավելվածների։ Այս մասին նշված է Facebook-ի` վերամշակողների համար նախատեսված բլոգում:
Առաջին անգամ ելույթ ունենալով Բարսելոնում տեղի ունեցող Mobile World Congress-ում՝ Թեյլորը հայտարարել էր, որ օպերատորները կարող են գումար վաստակել օգտատերերի կողմից խաղեր ու երաժշտություն գնելու ժամանակ, եթե վճարումը կատարվի հաճախորդի հաշվին:
Նրա խոսքով` բջջային սերվիսի համար վճարային ծառայությունը կարող է անցնել Apple-ից ու Google-ից բջջային կապի օպերատորներին, որոնք տնօրինում են բջջային հավելվածների խոշորագույն խանութները:
Սոցցանցի ներկայացուցչի ասելով` Facebook-ի օպերատորների համագործակցությունը կարող է շահավետ լինել հենց վերջիններիս համար, քանի որ նրանց կվերադարձնի Apple-ի ու Google-ի պատճառով կորցրած ազդեցությունն ու հասույթը: Իր հերթին, հիմա Facebook-ը որոնում է իր բջջային ծառայությունները գումարայինի վերածելու հնարավոր տարբերակներ։
Սոցացանցը ներկայումս գովազդ գրեթե չի տեղակայում կայքի բջջային հավելվածներում ու տարբերակներում: Բացի այդ` սոցցանցը փորձում է նվացեցնել իր կախվածությունը խոշորագույն բջջային պլատֆորմներից` Android-ից և iOS-ից:
