Միլիոնավոր հնդիկ աշխատավորներ, ինչպես սպասվում է, այսօր գործադուլ կանեն ընդդեմ բարձր գնաճի՝ պահանջելով բարելավել աշխատանքային պայմանները և դադարեցնել պետական ձեռնարկությունների վաճառքը,- հաղորդում է BBC-ն:
Գործադուլին աջակցում են հնդկական ամենախոշոր արհմիությունները, ինչպես նաև տարբեր քաղաքական կողմնորոշումներ ունեցող հազարավոր փոքր արհմիություններ:
Ինչպես սպասվում է, գործադուլը հատկապես կանդրադառնա բանկերի, տրանսպորտի, նավահանգիստների և փոստային համակարգի աշխատանքների վրա: Այն չի անդրադառնա, ըստ երևույթին, միայն երկաթուղային ցանցի աշխատանքի վրա:
Գործադուլի գլխավոր պատճառը գնաճն է, որը, չնայած անցյալ տարվա դեկտեմբերին նվազել է 9.1%-ով, սակայն դեռևս պահպանվում է 7.5%-ի վրա:
Կառավարությունը փորձում է կրճատել բյուջեի դեֆիցիտը` վաճառելով պետական ընկերությունների բաժնետոմսերը, և հենց դրա դեմ են բողոքում արհմիությունները:
