Ադրբեջանական APA լրատվական գործակալության փոխանցմամբ՝ Ադրբեջանում Թուրքիայի նորանշանակ դեսպան Իսմաիլ Ջոշքունը Բաքու կժամանի ամռանը: Այս մասին հայտարարել է Ադրբեջանում Թուրքիայի ներկայիս դեսպան Հուլուսի Քըլըչը.
«Հուսով եմ, որ նա նույնպես կանի իրենից կախված ամեն ինչ՝ թուրք-ադրբեջանական կապերի մակարդակը բարձրացնելու համար: Հայրենիք վերադառնալուց հետո ես աշխատելու եմ Անկարայում, սակայն մինչև կյանքիս վերջ մնալու եմ Ադրբեջանի դեսպան և պաշտպանելու եմ Ադրբեջանի շահերը»:
Հիշեցնենք, որ երեք օր առաջ էլ Քըլըչը հայտարարել էր.
«Թուրքական օրենսդրությամբ դեսպանների լիազորության ժամկետը կազմում է 3 կամ 4 տարի: Ես Ադրբեջանում աշխատում եմ արդեն 4 տարի և այստեղ բոլորից երկար աշխատած թուրք դեսպանն եմ: Իմ պաշտոնում կաշխատեմ մինչև Բաքվում նոր դեսպանի պաշտոնավարման մեկնարկը: Դա կարող է տևել 4 կամ 5 ամիս: Մինչ այդ կաշխատեմ իմ սովորական ռեժիմով»:
