Շվեյցարացի հանրահայտ թենիսիստ Ռոջեր Ֆեդերերը, ով այժմ հանդիսանում աշխարհի երրորդ ռակետը, ցանկանում է հանդիպել «Նյու-Յորք»-ի պաշտպան Ջերեմի Լինի հետ: Մարտի 5-ին Ֆեդերերը ցուցադրական հանդիպում կանցկացնի ամերիկացի Էնդի Ռոդդիկի հետ: Հանդիպումը կկայանա «Մեդիսոն-Գարդեն»-ում, որտեղ «Նիքս»-ն անցկացնում է իր տնային խաղերը:
«Հուսով եմ` ես ու Լինը կհանդիպենք Նյու-Յորքում: Մենք սիրում ենք սպորտը և հետևում ենք նրա զարգացումներին, որպեսզի տեսնենք հաջողության հասնելու այսպիսի անհավանական պատմություններ: Հիանալի է, երբ նա, ումից մենք ոչինչ չենք սպասում, հանկարծ այսպիսի առաջընթաց է արձանագրում»,- Ֆեդերերին մեջբերում է AP-ն:
