Բրիտանացի բռնցքամարտիկ Դերեք Չիսորան (15-3-0), ով փետրվարի 18-ին Գերմանիայի Մյունխեն քաղաքում կայացած մենամարտում Վիտալի Կլիչկոյին պարտվելուց հետո հետխաղյա մամլո ասուլիսի ժամանակ հարվածներով փոխանակվեց գերծանր քաշային կարգում WBA վարկածով աշխարհի նախկին չեմպիոն Դեյվիդ Հեյի հետ, մենամարտի արդյունքում իր վաստակած գումարից ստիպված կլինի վճարել 100.000 ԱՄՆ դոլար տուգանք:
Չիսորան տուգանքը կվճարի Գերմանիայի բռնցքամարտի ֆեդերացիային (BDB): Հիշեցնենք, որ ավելի վաղ Կլիչկո եղբայրների նկատմամբ թույլ տված տգեղ արարքների պատճառով բրիտանացին երկու անգամ տուգանվել էր 50.000 ԱՄՆ դոլարով:
