Ռուսական Интерфакс գործակալությանը տված հարցազրույցի ժամանակ Հարավային Օսիայի ընդդիմության առաջնորդ Ալլա Ջիոևան հայտարարել է, որ Ռուսաստանը կարող է Հարավային Օսիայում իրավիճակն ուղղել ճիշտ ուղղությամբ.
«Ես մտադիր եմ իմ քաղաքական իրավունքների համար պայքարել մինչև վերջ և մտադիր չեմ քաղաքական ապաստան խնդրել: Ես պայքարելու եմ մինչև վերջ և մտադիր չեմ լքել Հարավային Օսիայի տարածքը:
Եթե չլիներ իմ ընտրազանգվածը, ապա չի բացառվում, որ կարող էի այլ որոշում կայացնել: Սակայն ես չեմ կարող լքել նրանց, ինչի համար էլ չեմ խնդրելու ոչ մի քաղաքական ապաստան: Ես վստահեցնում եմ, որ Ռուսաստանում կան առողջ ուժեր, որոնք կարող են իրավիճակը թեքել ճիշտ ուղղությամբ»:
Ջիոևան դժգոհել է նաև Հարավային Օսիայի ուժային կառույցների կողմից իր վրա գործադրվող ճնշումից՝ նշելով, որ ցայժմ ուժայինները, չգիտես ինչու, գտնվում են իր պալատի հարևանությամբ:
Հիշեցնենք, որ սրանից առաջ նշվում էր, թե Ջիոևան պատրաստվում է լքել քաղաքականությունը և քաղաքական ապաստան խնդրել Ռուսաստանից: