Մեծ Բրիտանիայի առողջապահության նախարարության քարտուղար Անդրյու Լենսլին անցած գիշեր շտապ հետաքննություն է սկսել, երբ պարզ է դարձել, որ բժիշկները մայրերին առաջարկում են հեռացնել չծնված պտուղը` հիմնվելով երեխայի սեռի վրա:
Ինչպես գրում է Daily Mail-ը, պարզվել է, որ Ազգային առողջապահական կենտրոնի և մասնավոր հիվանդանոցներում աշխատող բժիշկները համաձայնում են պտղի հեռացումն իրականացնել, չնայած որ երեխայի սեռի վրա հիմնված պտղի հեռացումն օրենքին դեմ է: Բացահայտվել է նաև, որ բժիշկները կեղծում են փաստաթղթերն՝ իրենց գործողությունները թաքցնելու համար: Հետազոտությունն անցկացրել էր Daily Telegraph-ը:
Պարոն Լենսլին այժմ հրամայել է հետաքննություն իրականացնել: Նա ասել է, որ սա իրեն անհանգստություն է պատճառում, քանի որ ոչ միայն դեմ է Բրիտանիայի օրենքին, այլ նաև անբարո է:
