Հայաստանի ազգային հավաքականի և Մոսկվայի «Դինամո»-ի դարպասապահ Ռոման Բերեզովսկին հարցազրույց է տվել sportbox.ru կայքին:
– «Դինամո»-ի կազմում Դուք մասնակցեցիք թիմի իսպանական հավաքին: 7 տարիների ընթացքում, ինչ Դուք չեք կրել թիմի մարզաշապիկը, այն զգալի փոփոխություններ է կրել:
– Նախկին ու ներկայիս «Դինամո»-ների միջև հսկայական տարբերություն կա: Դա վերաբերում է թե՛ թիմի ենթակառուցվածքների զարգացման մակարդակին, թե՛ խաղացողների ընտրությանը:
– Ի՞նչ կարող եք ասել Ձեր թիմակից դարպասապահների մասին, որոնց հետ այժմ Թուրքիայում ուսումնամարզական հավաք եք անցկացնում:
– Նրանք բոլորն էլ երիտասարդ, տաղանդավոր տղաներ են: Դատելով մարզումների ժամանակ նրանց կատարած աշխատանքի ծավալից` նրանք կարող են ուժեղ դարպասապահներ դառնալ:
– Սեփական սխալներն այս տարիքում ավելի՞ հեշտ է ընդունելը:
– Ավելի իմաստուն եմ դարձել: Այդ պահերին սփոփվում եմ ընտանեկան միջավայրում: Բայց, ամեն դեպքում, շատ ծանր եմ տանում խաղադաշտում կատարած ցանկացած սխալ:
– Ձեր երկարատև կարիերայի ընթացքում Դուք «Զենիթ»-ի կազմում նվաճել եք միայն Ռուսաստանի գավաթը, իսկ «Խիմկի»-ի կազմում` առաջին դիվիզիոնի չեմպիոնի կոչումը: Վերադառնալով «Դինամո»` մտադի՞ր եք շտկել այս իրավիճակը:
– Իհարկե, կցանկանայի օգնել թիմին մեդալներ կամ այլ մրցանակներ նվաճել: Պետք է նաև հաջողակ լինես: Մենք կարող ենք պայքարել Չեմպիոնների Լիգայի ուղեգիր նվաճելու համար և նույնիսկ առաջատար «Զենիթ»-ից 6 միավորով հետ մնալն անհաղթահարելի չի համարվում:
– Ձեզ ոգեշնչու՞մ են վետերան դարպասապահների օրինակները` Ձոֆֆ, Կան, Վան դեր Սար:
– Նրանք մեծ վարպետներ են, ովքեր արժանի են հարգանքի: Երկար ժամանակ նրանք ծառայել են իրենց թիմերին, փրկել են բազմաթիվ անհուսալի դրվագներում:
– Դուք արդեն 37 տարեկան եք: Մինչև ե՞րբ եք նախատեսում խաղալ:
– Չեմ ցանկանում գուշակություններ կատարել: Կրկնում եմ, ֆուտբոլը դեռ ինձ հիացնում է: Քանի դեռ այդպես է, ես չեմ հեռանա:
– Երբ «Խիմկի»-ն լքեց ռուսական Պրեմիեր լիգան, Դուք Հայաստանի հավաքականում գրեթե ավարտում էիք Ձեր կարիերան: Ուրա՞խ եք, որ այդ քայլին չգնացիք:
– Այո, շնորհակալ եմ ՀՖՖ նախագահ Ռուբեն Հայրապետյանին, ով ինձ ետ պահեց այդ որոշումից: Այն ժամանակ լավատեսորեն տրամադրվելու առիթ չկար: Այժմ ամեն ինչ փոխվել է, ազգային հավաքականի խաղը «Եվրո-2012»-ի որակավորման փուլում ոգեշնչել է թե՛ երկրպագուներին, թե՛ ֆուտբոլիստներին: