Առաջիկա 100 հազար տարում տղամարդիկ` որպես կենսաբանական տեսակ, չեն անհետանա աշխարհի երեսից: Այսպիսի եզրականգման են եկել ԱՄՆ Մասաչուսեթս նահանգի հետազոտական կենտրոնի բժշկակենսաբանական ինստիտուտի գիտնականները վերիջին նորագույն հետազոտությունների ընթացքում: Այս մասին հայտնում է BBC-ն:
Տղամարդկանց անխուսափելի անհետացման մասին եզրակացության էին հանգել մոտ 10 տարի առաջ մի շարք գիտնականներ` ուսումնասիրելով Y քրոմոսոմը, որն առկա է միայն նրանց օրգանիզմում և պատասխանատու է տղա ունենալու համար:
Պարզվել է, որ Homo sapiens-ների հայտնվելու ժամանակ Y-քրոմոսոմները ունեցել են 1400 գեն, սական ժամանակակից տղամարդը ներկայումս ունի ընդամենը 45 գեն: 2003 թ. կատարված հետազոտությունների համաձայն` տղամարդկանց` որպես կենսաբանական տեսակի, մնացել է գոյություն ունենալ 100 հազարից մինչև 5 մլն տարի` կախված քրոմոսոմի գեների անհետացման արագությունից:
Գիտնականները Y-քրոմոսոմների արագ քայքայումը բացատրում են շրջապատող միջավայրի ազդեցության նկատմամբ դրա բարձր զգայունությամբ:
Սակայն ներկայումս, հուրախություն տղամարդկանց, ամերիկացի գիտնականները հերքել են վերոնշյալ եզրակացությունը: Ուսումնասիրոլվ մարդու և կապկի կենսաբանական զարգացման դինամիկան, նրանք եկել են եզրակացության, որ Y-քրոմոսոմների գեների քանակի կրճատումը չի ազդում դրա ֆունկցիայի ու կայունության վրա: Ավելին, գիտնականները հայտարարել են, որ Y-քրոմոսոմների տարրալուծման պատմակենսաբանական գործընթացը արդեն կանգ է առել: