Այս տարվա ընթացքում ՀՀ սփյուռքի նախարարությունը կիրականացնի «Իմ Հայաստան» համահայկական փառատոն-ծրագիրը, որը կառավարությունը նախատեսում է հաստատել վաղը: Ծրագրի նպատակն է սփյուռքում հայ մշակույթի և մշակութային ինքնության պահպանմանն ու զարգացմանը նպաստելը, Հայաստան-Արցախ-սփյուռք կապերի ամրապնդմանն ու զարգացմանը, համագործակցության նոր ձևաչափերի ձևավորմանն աջակցելը, ժամանակակից հայ արվեստի զարգացմանը և գովազդմանն օժանդակելը, սփյուռքի ուծացման և լեզվամշակութային ինքնության կորստի դեմ պայքարելը և այլն, և այլն:
Մինչև տարեվերջ կանցկացվեն հայ կատարողական արվեստի օրեր` համերգային միջոցառումներ, վարպետության դասընթացներ, որոնց կմասնակցեն ստեղծագործական խմբեր և անհատ կատարողներ Հայաստանից, Արցախից և սփյուռքից:
