Երիտասարդ կանայք, ովքեր սրտի կաթված են ունենում, քիչ հավանական է, որ կրծքավանդակի ցավ զգան և առավել հավանական է, որ դրա պատճառով մահանան հիվանդանոցում, քան նույն տարիքի տղամարդիկ:
Press TV-ն հաղորդում է, որ չնայած կրծքավանդակի ցավը սրտի կաթվածի հիմնական ազդանշանն է, բայց ուշաթափությունը, անհանգստությունը, շնչառության խանգարումը և ձեռքերի ու մեջքի ցավը նույնպես կարող են դրա մասին վկայել:
Ուսումնասիրելով 1.1 միլիոն մարդկանց տվյալները՝ Ֆլորիդայի գիտնականները բացահայտել են, որ միջին տարիքի կանայք քիչ հավանական է, որ սրտի կաթվածից հետո կրծքավանդակի ցավ զգան:
Հետազոտության ընթացքում նաև պարզ է դարձել, որ միջին տարիքի կանանց մահվան հավանականությունը սրտի կաթվածի դեպքում 60 տոկոսով ավել է, քան նույն տարիքի տղամարդկանց մոտ:
Հետազոտությունը հրապարակվել է Journal of the American Medical Association ամսագրում:
Գիտնականներն ասել են, որ կրծքավանդակի ցավի բացակայությունը երիտասարդ կանանց ավելի խոցելի է դարձնում, քանի որ նրանք բժշկական օգնության են դիմում, երբ առողջական վիճակը սկսում է վատթարանալ: