Ադրբեջանական Salam News գործակալության փոխանցմամբ՝ Կիպրոսի նախագահ Դիմիտրից Հրիստոֆիասը դիմել է միջազգային կառույցներին՝ բողոքելով Թուրքիայի կողմից Միջերկրական ծովի արևելյան մասում հետախուզական աշխատանքների անցկացման դեմ:
Կիպրոսը նաև զգուշացրել է Թուրքիայի ԱԳՆ-ին։ Դա արվել է այն բանից հետո, ինչ Թուրքիան երկրորդ տենդերն է հայտարարել Կիպրոսի տնտեսական գոտում բնական պաշարների հետախուզման ու արդյունահանման շուրջ:
Հրիստոֆիասն այդ կապակցությամբ բողոք նամակ է հղել ՄԱԿ-ի գլխավոր քարտուղար Պան Գի Մունին, Եվրահանձնաժողովի նախագահ Ժոզե Մանուել Բառոզուին, ԵԽ-ի նախագահ Հերման Վան Ռոմպեյին և ՄԱԿ ԱԽ 5 մշտական անդամներին (ԱՄՆ, Մեծ Բրիտանիա, Ֆրանսիա, Ռուսաստան, Չինաստան):
