Islam News-ի փոխանցմամբ՝ Թուրքիայում ստեղծվել է ոստիկանական հատուկ ստորաբաժանում, որի առաջադրանքը հանդիսանում է իրենց ամուսինների ընտանիքների անդամների կողմից գործադրվող կենցաղային բռնություններից Ստամբուլում բնակվող կանանց պաշտպանությունը:
Ստորաբաժանումը համալրվում է բացառապես կամավորներով, որոնք անտարբեր չեն տվյալ խնդրի նկատմամբ: Ներկայիս դրությամբ այդ հատուկ խումբն ունի 100 անդամ, որոնց կեսը կանայք են: Բոլոր ոստիկաններն անցել են ընտանեկան վեճերի կարգավորման նախապատրաստական երկշաբաթյա դասընթացներ:
Յուրաքանչյուր շրջանային ոստիկանական բաժանմունք ստանալու է հատուկ նախապատրաստություն անցած երկու այդպիսի սպա: Միևնույն ժամանակ նշվում է, որ թուրքական իշխանությունները գիտակցում են, որ միայն այդքանը բավարար չէ խնդրի լուծման համար:
Վիճակագրական տվյալները վկայում են, որ թրքուհիների ավելի քան 40 տոկոսը կյանքում առնվազն մեկ անգամ ենթարկվել են այս կամ այն տիպի բռնության: Վերջին երեք տարիներին Ստամբուլում գրանցվել է ընտանեկան բռնության 2754 դեպք:
