Չեմպիոնների Լիգայի գավաթի 2011/12թթ. խաղարկության 1/8 եզրափակիչի շրջանակներում Մոսկվայի «ԲԿՄԱ»-ն «Լուժնիկի» մարզադաշտում ընդունել էր Մադրիդի «Ռեալ»-ին:
Արհեստական խոտածածկի, դաշտի տերերի երկրպագուների բուռն աջակցության և -8°C ջերմաստիճանային պայմանների պատճառով «արքայական ակումբ»-ը չկարողացավ ցույց տալ իր լավագույն խաղը: Խաղասկզբում թիմերը փոխանակվեցին մեկական վտանգավոր պահերով: «ԲԿՄԱ»-ի պաշտպանների կոպիտ սխալի արդյունքում Քրիշտիանու Ռոնալդուն 28-րդ րոպեին բացեց խաղի հաշիվը: Թիմերն ընդմիջման գնացին «Ռեալ»-ի առավելության պայմաններում:
Երկրորդ խաղակեսի մեկնարկում Ժոզե Մոուրինյոյի սաները մեծ ճնշում գործադրեցին դաշտի տերերի դարպասին. երկու դեպքերում նպաստավոր դիրքերից վրիպեց Խոսե Կալյեխոնը: Այդ խաղում իր երկրորդ գոլը կարող էր խփել Քրիշտիանու Ռոնալդուն, սակայն գերազանց խաղաց «ԲԿՄԱ»-ի դարպասապահ Սերգեյ Չեպչուգովը:
Թվում էր` «արքայական ակումբ»-ի ֆուտբոլիստները հաղթանակով կավարտեն հանդիպումը, բայց ավելացվաց 3-րդ րոպեին «բանակայիններ»-ի նորեկ Պոնտուս Վերնբլումը հավասարեցրեց խաղի հաշիվը: Այսպիսով` «ԲԿՄԱ» – «Ռեալ»` 1:1
0:1 Քրիշտիանու Ռոնալդու (28′), 1:1 Պոնտուս Վերնբլում (90+3′)
