Առողջապահության համաշխարհային կազմակերպության (ԱՀԿ) տնօրեն Թեդրոս Ադհանոմ Գեբրեյեսուսը հայտնել է, որ գտնվում է Ուգանդայում, որտեղ կառավարությունը «արագ և արդյունավետ արձագանք է ցուցաբերում Էբոլա վիրուսի բռնկմանը»։
«Սահմանային անցակետերում իրականացվող սկրինինգի շնորհիվ հաջողվել է հայտնաբերել Կոնգոյի Դեմոկրատական Հանրապետությունից եկող դեպքերը։ Երկրի վերահսկման, թեստավորման և հիվանդների կառավարման համակարգերը կայուն աշխատանք են իրականացնում»,- գրել է ԱՀԿ ղեկավարը X-ում։
Թեդրոսը Գեբրեյեսուսը նշել է, որ մինչ այժմ Ուգանդայում հաստատված էբոլայով վարակման 19 դեպքից 14-ը եղել են Կոնգոյից ժամանած անձանց շրջանում։ Նրանցից երկուսը մահացել են։
«ԱՀԿ-ն՝ Աֆրիկայի հիվանդությունների վերահսկման և կանխարգելման կենտրոնի և տարածաշրջանային գործընկերների հետ միասին աջակցում է Ուգանդային։ Շարունակական համագործակցության դեպքում վստահ եմ, որ այս բռնկումը հնարավոր կլինի առնել վերահսկողության տակ»,- գրել է նա։
