Սիրիայում աշխատող չինացի լրագրողները հայտնել են, որ Սիրիայի երկնքում ամերիկյան անօդաչու ինքնաթիռներ են նկատել. դրանք հետախուզական թռիչքներ են իրականացնում և դուրս են գալիս, ամենայն հավանականությամբ, Իրաքի ռազմաբաազայից: Այս մասին հայտնում է Vesti-ն:
Բացի այդ, Չինաստանը Արևմուտքի երկրներին մեղադրել է Սիրիայում քաղաքացիական պատերազմ հրահրելու և այդ երկրում ռազմական գործողություններ նախապատրաստելու մեջ:
«Եթե արևմտյան տերությունները շարունակեն բազմակողմանի աջակցություն ցուցաբերել Սիրիայի ընդդիմությանը, ապա դա կհանգեցնի լայնածավալ քաղաքացիական պատերազմի,- գրում է չինական մամուլը:- Դրա արդյունքում հնարավոր չէ բացառել օտարերկրյա ներխուժման հնարավորությունը»:
Ամերիկացի սենատոր Ջոն Մաքքեյնը, ելույթ ունենալով Եգիպտոսում, նշել է, որ միջզգային հանրությունը պետք է օգնի Սիրիայի ընդդիմադիրներին երկրի ղեկավարության դեմ պայքարում: Նրա կարծիքով՝ ԱՄՆ-ը չպետք է ինքը զինի ընդդիմությանը, այլ կարող է դրան անուղղակիորեն մասնակցել:
