Կիրակի երեկոյան Աթենքում շուրջ 140 մարդ է ձերբակալվել: Ոստիկանությունն այսօր հայտարարել է, որ վերջիններս կասկածվում են անկարգություններին մասնակցելու մեջ:
Հարցաքննվելու է 135 մարդ, ևս 6-ը ձերբակալված են ու կկանգնեն դատարանի առաջ:
Կիրակի երեկոյան երկրի խորհրդարանի առաջ տեղի ունեցած բողոքի ցույցի ժամանակ ներկաները քարեր էին նետել ոստիկանների ուղղությամբ, որին ի պատասխան հատուկ ջոկատայինները կիրառել էին արցունքաբեր գազ:
Ավելի ուշ բախումները տեղափոխվել էին Օմոնիա կենտրոնական հրապարակ: Ոստիկանների գնահատմամբ` կիրակի ցույցերը համեմատաբեր մեղմ բնույթ են կրել` համեմատած մեկ շաբաթ առաջվա վաղեմության անկարգությունների հետ, երբ հրդեհվել էր 45 շինություն, ու թալանվել էին հարյուրավոր խանութներ:
Հունաստանում այս օրերին տեղի են ունենում բողոքի նոր ցույցեր` կապված Եվրամիության հետ Հունաստանի կնքած վարկային համաձայնագրի հետ: Համաձայնագիրը ենթադրում է Հունաստանին ֆինանսավորում հետագայում, ինչի դիմաց երկիրը պետք է իրականցնի բյուջետային խստացված ծրագիր:
