Փարիզում անցած տարի անցկացված ծանրամարտի աշխարհի առաջնության ավարտից հետո VADA-ն դոպինգ օգտագործելու համար չորս տարով որակազրկել է կանանց մրցաշարի 75+ քաշայինների պայքարում երրորդ տեղը զբաղեցրած ուկրաինացի Օլգա Կորոբկային: Քանի որ նրա արդյունքները չեղյալ են հայտարարվել, պոկում վարժությունում աշխարհի առաջնության բրոնզե մեդալակիր է դարձել 125 կգ արդյունք ցույց տված Հռիփսիմե Խուրշուդյանը:
Կազանում անցած տարի անցկացված ծանրամարտի Եվրոպայի առաջնության մեդալակիրներ Էլեն Գրիգորյանի և Գևորիկ Պողոսյանի դոպինգ անալիզների դրական արդյունքները հաստատվել են և նրանք որակազրկվել են: Այդ մասին տեղեկացնում է Aravot.am-ը։
Հիշեցնենք, որ ավելի վաղ Ծանրամարտի միջազգային ֆեդերացիան հրապարակել էր այն ծանրորդների անունները, ովքեր արգելված խթանիչներ օգտագործելու պատճառով որակազրկվել են և մինչև 2015 թվականը չեն կարող մասնակցել միջազգային մրցաշարերի: Որակազրկվել էին նաև երկու հայ ծանրորդներ`94 կգ քաշային Գևորիկ Պողոսյանը և 53 կգ քաշային Էլեն Գրիգորյանը: Սակայն Հայաստանի ծանրամարտի ֆեդերացիան կրկնակի ստուգում էր պահանջել՝ բողոքարկելով այդ որոշումը։
Կազանում 165 կգ արդյունք ցույց տված մինչև 85 կգ քաշային Էդգար Գևորգյանը դարձել է պոկում վարժության Եվրոպայի բրոնզե մեդալակիր, քանի որ Իսրայելի դրոշի ներքո հանդես եկած ուկրաինացի Անատոլի Միշուկը նույնպես որակազրկվել է: