Իրանական Press TV-ի փոխանցմամբ՝ Իրանի պաշտպանության նախարար Ահմադ Վահիդին երեկ հայտարարել է, որ միջազգային ջրերում իրանական ռազմանավերի առկայությունը վկայում է Իրանի ռազմածովային նավատորմի հզորության մասին:
Նա հավելել է, որ իր երկիրն ունի դրա իրավունքը՝ ընդգծելով, որ երկրի ծովային սահմաններից դուրս իրանական նավատորմի առաքելությունն ուղղված է նավատորմի մարտունակության բարձրացմանը:
Շաբաթ օրը իրանական նավատորմի հրամանատար, ծովակալ Հաբիբոլլահ Սայարին հայտարարել է, որ իրանական 18-րդ նավատորմը Եգիպտոսի թույլտվությամբ Սուեզի ջրանցքով մուտք է գործել Միջերկրական ծով: Նա հավելել է, որ 1979 թվականին Իրանում տեղի ունեցած իսլամական հեղափոխությունից հետո Սուեզի ջրանցքի միջոցով իրանական ռազմանավերի անցումը տեղի է ունենում երկրորդ անգամ: Նախորդ անգամ դա տեղի էր ունեցել 1 տարի առաջ:
Հիշեցնենք, որ բրիտանական ԶԼՄ-ների պնդմամբ՝ ներկայումս իրանական երկու ռազմանավեր մտել են սիրիական Տարտուս նավահանգիստ:
