Հայաստանում հարկեր/ՀՆԱ հարաբերակցությունը ԱՊՀ-ում և աշխարհի համանման երկրների համեմատ ցածրերից մեկն է: Սակայն դրա պատճառը ոչ թե հարկերի ցածր դրույքներն են, այլ՝ հարկերից խուսափելու բարձր աստիճանը: Այլ կերպ ասած՝ ստվերայնությունը:
Policy Forum Armenia (PFA)-ի «Հայաստան. կանխենք տնտեսական աղետը» զեկույցում բերված տվյալների համաձայն՝ Հայաստանում հարկեր/ՀՆԱ հարաբերակցությունը 16.3% է (շահութահարկը և ԱԱՀ-ն՝ 20-ական տոկոս), Վրաստանում՝ 24.9% (շահութահարկը 15%, ԱԱՀ-ն 18%), Ռուսաստանում (ոչ նավթային)՝ 22.1% (շահութահարկը 20%, ԱԱՀ-ն 18%), Սերբիայում՝ 33.7% (շահութահարկը 10%, ԱԱՀ-ն 18%), Կիպրոսում՝ 25.9% (շահութահարկը 10%, ԱԱՀ-ն 15%), Լատվիայում՝ 27.7% (շահութահարկը 15%, ԱԱՀ-ն 22%), և այլն:
