«Հինգշաբթի ուշ երեկոյան «Օրինաց երկիր» կուսակցության ակտիվը հանդիպել է Սերժ Սարգսյանի հետ»,- գրում է «Հրապարակ»-ը:
«Ջերմ մթնոլորտում, ճոխ սեղանների շուրջ ընթացած հանդիպումն ավելի շատ քեֆ է հիշեցրել, քան նախընտրական հավաք, սակայն մի շարք հարցեր, մեր տեղեկություններով, սեղանի շուրջ այնուամենայնիվ քննարկվել են: Մի քանի ժամ ՕԵԿ-ականների հետ անցկացնելուց հետո Սերժ Սարգսյանը հեռացել է:
Ապա Արթուր Բաղդասարյանը հրապարակել է ՕԵԿ համամասնական ցուցակի առաջին երեք համարների անունները՝ Արթուր Բաղդասարյան, Հեղինե Բիշարյան և արտակարգ իրավիճակների նախարար Արմեն Երիցյան: Թեև նախապես լուրեր էին շրջանառվում, որ 3-րդ համարը լինելու է Մհեր Շահգելդյանը:
Ապա Բաղդասարյանը հայտարարել է, որ ցուցակը կհրապարակվի համագումարի ժամանակ՝ մարտի 3-ին»,- հավելում է թերթը: