Կանադայում ևս մեկ անգամ, ընդ որում՝ ուղիղ եթերի ժամանակ, ապացուցվել է պարզ ճշմարտությունն այն մասին, որ քայլելու ընթացքում բջջային հեռախոսով կարճ հաղորդագրություն գրելը վնասակար է առողջության համար: CBC հեռուստաընկերության լրատվական հաղորդման ռեպորտաժի նկարահանման ժամանակ տեսախցիկն արձանագրել է գրասենյակի շենքից դուրս եկող բիզնես-տիկնոջ զավեշտալի ընկնելը (քանի որ ամեն ինչ ավարտվել է առանց վնասվածնքերի): Կինն այնքան տարված է եղել հաղորդագրություն գրելով, որ չի նկատել երեք աստիճանները և ցած է ընկել:
Տեսանյութում, որը տեղադրված է The Daily Mail բրիտանական թերթի կայքում, դեպքը տեղի է ունենում սպիտակահեր հեռուստահաղորդավարի մեջքի ետևում , ով պատմում է կանադական ծայրամաս Օնտարիոյի տնտեսական խնդիրների մասին:
Տեսնյությում երևում է, թե ինչպես սև երկար հագուստով կինը, դուրս գալով գրասենյակի շենքից, ամբողջությամբ կլանված հաղորդագրություն գրելով, չի նկատում աստիճանները և ընկնում է:
Հեռուստահաղորդավարն էլ, տարված իր աշխատանքով, հանգիստ շարունակում է պատմել տնտեսական խնդիրների մասին:
The Daily Mail-ը, մեկնաբանելով այս հոլովակը, որը իսկական հիթ է դարձել YouTube–ում, հիշեցնում է նմանօրինակ տեսագրության մասին, որը համացանցում էր հայտնվել անցած տարի:
Վերջերս Նյու Յորքի օրենսդիրները հանդես են եկել նախաձեռնությամբ, այն է՝ պաշտոնապես արգելել է քայլելու ընթացքում հաղորդագրություն գրելը։ Սակայն այս առաջարկը լայն աջակցություն չի գտել:
