Reuters գործակալության փոխանցմամբ՝ ԱՄՆ պաշտպանության նախարարության հետախուզական վարչության ղեկավար, գեներալ-լեյտենանտ Ռոնալդ Բերջեսը Սենատում տեղի ունեցած լսումների ժամանակ հայտարարել է, որ Իրանը պատրաստ է հարձակման ենթարկվելու դեպքում պատասխան հարված հասցնել.
«Հազիվ թե Իրանն ինքնուրույն սկսի կամ էլ սադրի զինված հակամարտություն: Ծայրահեղ դեպքում Իրանը կարող է ժամանակավորապես փակել Հորմուզի նեղուցը կամ էլ հրթիռներ արձակել ԱՄՆ-ի ու նրա դաշնակիցների վրա, եթե նրանք հարձակվեն Իրանի վրա:
Չի բացառվում նաև, որ ի պատասխան հարձակման՝ Թեհրանը կարող է համայն աշխարհում գործի գցել ահաբեկիչներին, սակայն քիչ հավանական է, որ Իրանը կնախաձեռնի կամ էլ միտումնավոր կսադրի զինված հակամարտություն: Պենտագոնի տվյալներով՝ Իսրայելը դեռ պատրաստ չէ հարված հասցնել Իրանի միջուկային օբյեկտներին»:
