Փետրվարի 16-ին Ռուսաստանում հայտնի է դարձել երեխաների և չափահասների նոր ինքնասպանությունների մասին: Վերջին դեպքը գրանցվել է Մոսկվայում, երբ 12 տարեկան դպրոցական աղջկան կախված են գտել:
Նույն օրն՝ ավելի վաղ 10 տարեկան մեկ այլ աղջիկ կախվել էր Կալմիկիայում:
Սանկտ-Պետերբուրգում 13–ամյա դպրոցական աղջիկը նետվել էր ութերորդ հարկից:
Կրասնոյարսկի շրջանում 15–ամյա պատանուն ևս կախված էին գտել: Բացի այդ, Մոսկվայում ինքնասպանության փորձ է արել նախօրեին կյանքին վերջ դրած դպրոցական աղջկա ընկերուհին:
Այս տարվա փետրվար ամսից սկսած՝ Ռուսաստանում բազմաթիվ նման դեպքեր են գրանցվել: Սակայն իշխանություններն այս հանգամանքը պաշտոնապես դեռևս չեն ընդունում:
Հոգեբանների կարծիքով՝ դեռահասներին ինքնասպանության դրդում են ԶԼՄ-ները և համացանցը։
«Вконтакте» սոցիալական կայքից արդեն ջնջել են ինքնասպանությունը պրոպագանդող խմբերը: Խմբի մասնակիցների խոսքերով՝ այստեղ տեղակայվում էին ինքնասպանություն պատկերող նկարներ: Խմբի օգտատերերի մեծ մասը պատկանում է «էմո» ենթամշակույթին: Մոսկվայի դպրոցի ութերորդ դասարանցի Ալյոնան, ով իրեն նետել էր 16–րդ հարկից ևս հետաքրքրված էր «էմո»–ով։
